The Ten Commandments/ Los diez mandamientos
Cecil B. DeMille, 1956
220'. DCP. Subt. Castelán
The Ten Commandments/ Los diez mandamientos
(Estados Unidos, 1956)
Dirección: Cecil B. DeMille. Guión: Aeneas MacKenzie, Jesse Lasky Jr., Jack Gariss, Fredric M. Frank. Fotografía: Loyal Griggs. Intérpretes: Charlton Heston, Yul Brynner, Anne Baxter, Edward G. Robinson, Yvonne de Carlo, Debra Paget, Vincent Price, John Carradine. Dur: 220'.
O príncipe de Exipto, Moisés, descobre a súa liñaxe xudía e, por orde de Deus, emprende unha cruzada contra o seu irmán Ramsés para liberar o seu pobo da tiranía dos faraóns.
O maior éxito na carreira de DeMille; a día de hoxe, coa recadación axustada á inflación, segue a ser o sexto filme que máis billetes vendeu na historia do cine. A suntuosa fotografía de Loyal Griggs, os impresionantes decorados de Sam Comer e Ray Moyer, un elenco de luxo capitaneado por Charlton Heston e uns efectos especiais sen precedentes – difícil igualar unha escena como a da separación das augas do mar Vermello – converten esta película nun clásico imperecedoiro, no podio das superproducións bíblicas.