Lisandro Alonso
Do 1 de xullo de 2005 ao 31 de xullo de 2005
En colaboración con: Festival Internacional de Cine de Huesca, Casa de América, Filmoteca Española, IVAC-La Filmoteca.
Director, produtor, guionista, Lisandro Alonso nace en Bos Aires, Arxentina en 1975. Cursou estudos de dirección na Fundación Universidad del Cine (FUC). En 1995 escribe e codirixe, xunto a Catriel Vildosola, a curtametraxe Dos en la vereda. Asistente de dirección de Nicolás Sarquís en Sobre la tierra (1998) e asistente de son nos filmes Mundo grúa (1999) e El bonaerense (2002) de Pablo Trapero. En 2001 escribe, produce e dirixe La libertad, a súa primeira longametraxe, selección oficial do Festival Internacional de Cine de Cannes (Un Certain Regard). En 2004 escribe, coproduce e dirixe Los muertos, que é igualmente presentada en Cannes, esta vez na Quinzaine des Realisateurs. O CGAI presenta estas dúas películas dun dos máis insólitos e singulares directores novos do panorama cinematográfico internacional. Dúas películas nas que as fronteiras entre documental e ficción quedan totalmente desdebuxadas.
LA LIBERTAD
